SUKABUMI--Urang lembur di Kasepuhan Ciptagelar, Desa Sirnaresmi, Kecamatan Cisolok, masih ngajaga tradisi adat Banten Kidul. Lain saukur cara melak jeung panen wungkul. Urang desa sagala rupana masih percaya kana jampe pamake sampe larangan nu disebut pamali. Lamun nyangu ge carang make kompor, komo kompor gas. Lolobana warga lembur milih alat tradisional hawu nu bahan bakarna kayu. Salian ti eta, perlengkapanana oge masih make alat nu alamiah. Saperti make aseupan jeung ngakeul na dulang. Memang tradisi eta lain saukur ngajaga warisan nenek moyang. Rasa kanikmatana ge menang beda dibanding sangu meunang kompor atawa magic com.
Sangu akeul nu katelah rasana pulen tur proses dipelakna teu make pupuk kimia tapi make pupuk kandang, dinilai leuwih sehat. Tapi kiwari, di lembur lumayan geus rada luntur jang ngajaga kabiasaan make bahan alami teh. Kusabab, aya program pamarentah bantuan pupuk kimia saperti urea jeung TS sampe ayeuna warga kacanduan make nu teu alami.
Tapi urang apresiasi ka pa tani anu masih mempertahankeun pepelakan nu make pupuk alami. Bilih dulur hoyong ngaraosan kumaha nikmatna sangu akeul ditumpangan ku sambel mangga amengan ka lembur. Komo lamun ditumpangan ku lauk asin atawa lauk laut mah leuwih gurilem.(ryl)
Tidak ada komentar:
Posting Komentar